Etter ein periode med vind, regn og sludd var dagen i dag ei stor glede. Så fint kan det vera på sjøen i november! Og med 6 garn i sjøen vart strevet løna godt: Store, fine torskar symjer no i mæren. Medaljen si bakside var 4 store pigghå og godt med krabbe – ein skule i tolmod når ein insisterer på å få dei heile og levande ut av trollgarnet. Men med ein god, varm flytedress og dykkarhanskar ein kan gjera finarbeide med, kan ingenting øydeleggja gleda over ein fin føremiddag på sjøen.
![Fisk og ufisk](https://usercontent.one/wp/huglo.no/wp-content/uploads/2013/11/Fisk-og-ufisk-424x212.jpg)
Del dette innlegget