Program for 17. mai på Huglo

Her er ei lita oversikt over det som står på programmet på Huglo 17. mai:

Kl. 10.30: Det vert flaggheis ved skulen. Korpset spelar.
Kl. 11.00: Gudsteneste i Huglo bedehus-kapell
ca. kl 11.45: 17.mai-tog frå skulen til Skarvene og tilbake. Korpset spelar.
– Ord for dagen ved Hedvig Flornes
– Så vert det matøkt i gymsalen på skulen. Ta med mat og drikke. Gratis brus til borna. Det vil òg vere sal av kaker.
– Etter at me har fått i oss litt mat vil kiosken opne, og det vil vere sal av is, brus, snop ++
– Det vil vere leikar og konkurrasar for store og små utover dagen.

Hilde prøvar seg på Hestesko-kasting - 2010

På ettermiddagen vil det vere ein velfortent pause for dei aller fleste, før det er klart for den tradisjonelle 17.mai-festen i bedehuset kl. 18.00.
– Festtalar: Dagfinn Brandsæter
– Korpset spelar
– Song ved Emmaus
– Spørjekonkurranse
– Middag, kaker og kaffi

Me håpar at alle vil få ein fin dag, og så satsar me på at været vil bli bra!
Alle er hjarteleg velkomne til 17. mai-feiring på Huglo!
Her kan du sjå 17.mai kavalkaden me hadde her på huglo.no i fjor!