Takk til dei som óg i år gler oss med å legga ut 25 postar kring på Huglo! I denne corona-tida treng me alt som kan muntra oss opp, og dette er noko me kan driva med saman, ikkje noko problem å halda to meter avstand til kvarandre.
I år er det hengt ut klippetang på kvar post, og i konvolutten med karta, er det registreringskort som skal klippast med tanga. Er det skummelt å ta i tanga, kan ein jo ha litt handsprit i tursekken. Det heng óg, som før, eit glas med lapp til å skriva namnet sitt på. Alle som skriv namnet sitt på minst ein postlapp, er med i trekninga av ein premie.
Denne flotte påsketradisjonen, med at karta er klare til hytte- og tur-påske, kan gje oss det puffet me treng til å melda oss inn i Huglo Idrettslag. Da har me adgang til treningsrommet på skulen og bruk av kanoane som ligg på Nordhuglo også. Kontingenten er i år kr. 200 og betalast til konto 0533 37 23400 eller Vipps 530536. Hugs namn og alder på den medlemsskapet gjeld.
Vel møtt i marka!
Huglo.no ynsker alle lesarane sine god, smittefri påske!
