MF Hordaland, driftsikker og til å lita på
Arbeidet med nytt ferjestø på Nordhuglo har starta denne veka. Førebels har det berre vorte arbeidd på dagtid, og ferja har gått i rute som vanleg. Men komande mondag kjem sjølve ferjelemen, den skal setjast på plass natt til tyrsdag. Ein vonar å unngå stans i ferjetrafikken med nattarbeidet – men dei som bur nærast ferjeleiet, kan venta seg ei våkenatt. Det går nok ikkje heilt lydlaust føre seg å setja på plass ein stor ferjelem!
Og når kjem den nye ferja? Me får den store ferja Folgefonna med kapasitet til å ta ennå nokre fleire bilar enn Hordaland som tek 54/64 bilar, så det skulle vera sutelaust å koma seg ombord. Men byttet er utsett avdi Folgefonna skal vikariera for ei anna ferje eit bel, så dei siste ryktene går ut på at ho kjem i vårt samband uti oktober.
Mannskapet vert dei hyggelege karane (inga damer??) me kjenner, dei er ansatte i sambandet, ikkje på ferja. Og takk for det.
