Offisiell opning av Huglo Båthamn

Det var ei flott tilstelning då Huglo Båthamn blei offisielt opna på sundag. Korpset spelte, Tiril og Helga haldt snora som ordføraren klypte, og både ho, og teknisk sjef i kommunen Kjell Nesbø heldt talar. Det same gjorde dei lokale eldsjelane for moloen Øystein og Sigurd. Og sjølvsagt var det mat: Salg av grilla pølser og hamburgare, og brus. Båtlaget feira med ei superstor og superfin marsipankaka og kaffe til alle. Redningsbåten kom susande inn på Huglavikjo, og det beste av alt for dei minste: Dei fekk kjøra Eliasbåten! Og dermed var Huglo Båthamn både feira og opna.