Plutseleg stod der eit hus!

Det skjer ting på Huglo! No har det komt opp eit splitter nytt hus på Sørhuglo. Ei sikker kilde (pendlarar på ferja) fortel at bygget kom i seksjonar frå Nord-Norge, og vart frakta til den klare tomta på Huglo med båt, lastebil og traktor. I løpet av dagar stod huset, som skal nyttast som hytte, oppe med tak og vindu og dører. Garasje har det komt òg. Innvendig skal det riktignok vere ein del jobb igjen, men utvendig er huset så godt som ferdig.

huglo.no gratulerer Arvin og Stine med ny hytte på Huglo!