Filmkveld og overnatting

Elevene på Huglo Skule har hatt ein vellykka filmkveld med overnatting. Mange elevrådsmøter og mykje planlegging måtte til i forkant.

Bruning av kjøttdeig til pizzabaking.

Jo fleire kokkar jo meire søl, så det var godt at nokon tok ansvar og vaska opp.

Torsdag kveld klokka seks møtte nokre av elevane opp for å laga pizza. Som ved alle andre tilstellingar og møter på Huglo, må ein ha god mat. Fem glade kokkar laga to kjempegode pizzaer ! Restane av kvitosten blei lagt fram til husmusa i gymsalen. På ein slik kveld blei alle huska på (eller kanskje håpa dei på at ho blei så mett at ho sov seg gjennom natta…….)

Hektisk aktivitet på skulekjøkenet.

Ost må ein god pizza ha.

Her er samarbeidet på topp, dei to har teke fatt på den vanskelegaste oppgåva, baka ut pizzabotnar.

Klargjering til natta.

Etter mykje god mat i magen, rigga elevane seg til i gymsalen for å sjå film på lerret. Det hadde vore avstemming, og fleirtal for å sjå filmen Shrek 3. Mange hadde sett filmen før, men dei humra og lo alle saman. Stemninga i salen var veldig god. To foreldrerepresentantar rigga seg til for natta med masse god kaffi for å vera brannvakter.

Kos rundt bordet, og pizzaen den var god !

Shrek 3 var filmen som flest elevar ville sjå.

På morgonen kraup dei åtte elevane ut av soveposane. Kor mykje søvn det blei på elevane er eg ikkje sikker på, men dei åt ein god frukost med nysteikte baguetter, og reiste på bading heile gjengen. Trur det var mange som synest det var ok med ein kort skuledag dagen etter………