Førjulskveld

 

 

18 huglarar møttest på sist fredagskveld, i Fjellheim, for å hyggja seg saman no i mørkretida før jul.  Her var mykje god og variert mat,  og opplesing om kva ei ny bru kan føra med seg:  brunsniglar og nabokrangel (uten at dette skal sjåast som eit innlegg i bru-debatten her på Huglo?)  Quizen var akkurat passe utfordrande til at laga med 6 personar som samarbeidde godt, fekk til det meste.  Praten gjekk livleg heilt til bygdekvinnene begynte å samla saman kaffekoppane.  Både for- og etterarbeidet (oppvask og golvvask) tar si tid:  Takk til eldsjelane som lagar til hyggje for oss alle.  Me håpar denne førjulskvelden vert ein tradisjon, open for alle som vil koma.