Her kjem eit nytt presseskriv frå arrangørane av Fabrikken 2012, og dersom de trudde at lagerhallane var tomme tek de feil – me opnar portane og slepp heile seks nye artistar!
Laurdag 28.juli vil sjølvaste Elvira Nicolaisen opptre på Huglo! Artisten, som i år har vore aktuell i TV2-serien “Hver gang vi møtes”, har heile tre studioalbum bak seg. Ho har hittar som bl.a. “Egypt song”, “Love I can’t defend” og “Floden” (duett med Bjørn Eidsvåg) som alle er låtar som har satt seg godt fast i den kollektive hjernebarken til det norske folk!
Thea Hjelmeland inntek festivalen på fredag. Hjelmeland vann i sine tidlegare år Eggstockfestivalen og har i seinare tid sunge duett med blandt anna Lars Vaular. Det siste året har ho vore på Europa-turnè med sjølvaste Bernhoft, og sistnemnde har òg vore produsent og musikar på den nye debutplata hennar, “Oh, The Third. Denne plata har blitt varmt omfamna av kritikarar frå heile landet, og er blitt omtala som bla, akustisk pop, og ikkje mindre enn mosaikk av stemmer!
Seks ekstremt musikale karar dannar At Your Leisure, som er eit up-and-coming funky indie-rock band med melodiøse riff og fengjande takter! Bandet vart danna i 2006, og i 2012 kom dei på tredje plass i Musikkprisen på Giske. Dei er no ute med to singlar, “Kill the Elephant” og “Friends Just Keep You Away from Television”.
Orango er venta til Fabrikken 2012! Dette er reindyrka Rock’n Roll på sitt beste, og trioen ligg i same musikalske gate som Bigbang og Lynyrd Skynyrd. Med tre utgjevingar bak seg, og ein god dose live-opptredenar, er dette eit godt etablert band som garantert kjem til å setje fyr på lokalet!
Vidare kan me presentera Angry Wasp som består av songar og låtsnekkar Endre Olsen frå Stord. Olsen gav i 2011 ut det kritikerrosa debut-soloalbumet Winnitou. Angry Wasp sitt musikalske uttrykk skiftar lett mellom indiepop, folk og americana og kan beskrivast som ein musikalsk konfekt!
Tidlegare Sunnhordlandsmeisterar i pop og og rock, Evolver, kjem til øya! Dette groovy funkrock-bandet frå Stord har varma opp for både Karpe Diem og Honningbarna, samt spelt saman med Askil Holm på MOT-turneen! Desse unge lokale heltane kjem garantert til å løfte taket!
For meir informasjon, sjekk ut vore heimesider på www.fabrikken2012.no
Tekst: Vermund Heggland – Pressesjef Fabrikken 2012
Huglo – Center of the Universe! :-)