Eit sikkert haustteikn er det at no er det for seint å leita etter dei postane du ikkje fann i sommer. Regelen er at postane ligg ute frå påske til 1.oktober. Sjølvsagt tar det litt tid før eldsjelane i Huglo Idrettslag får tatt alle turane som må til for å ta inn dei oransje og kvite flagga og glasa med alle namna, men frå no av kan du ikkje stola på at posten ligg der den lå i sommer.
Me gler oss til nye postar neste år! Takk til dei nemde eldsjelane for at dei får oss ut på mange fine turar!
